Samarqandda maktab o‘quvchisi sodir etgan YTHda 4 yoshli bola vafot etdi

Jomboy tumanida maktab o‘quvchisi mashina boshqarib, 4 yashar bolaning o‘limiga sababchi bo‘ldi.

Samarqand viloyati Jomboy tumanida sodir bo‘lgan yo‘l-transport hodisasi oqibatida 4 yoshli bola halok bo‘lgan. “Markaziy” studiya informatsion dasturida xabar berilishicha, hodisa 2024 yil 8 avgust kuni sodir bo‘lgan.

Maktab o‘quvchisi “Lasetti” mashinasini Nayman-Jomboy yo‘nalishida boshqarib borayotib, Naymantepa mahallasi hududida yo‘lning qatnov qismiga yugurib chiqqan yosh bolani urib yuborgan. Oqibatda 4 yoshli bola og‘ir tan jarohatlari olib, voqea joyida vafot etgan.

Qayd etilishicha, hodisa yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.

NOVA24 YouTubeʼda. Obuna boʻling
Asosiy yangiliklar va qiziqarli videolar