O‘rta Chirchiqda ishlab chiqarish sexi 214 mln so‘mlik gazdan noqonuniy foydalangani aniqlandi
Mazkur holat yuzasidan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.
Toshkent viloyati O‘rta Chirchiq tumanida 119,3 ming kub metr tabiiy gazdan noqonuniy foydalanish holati aniqlandi, deb xabar bermoqda Prokuratura departamenti axborot xizmati.
Unga ko‘ra, holat Bosh prokuratura huzuridagi departamentning O‘rta Chirchiq tuman bo‘limi tomonidan o‘tkazilgan tergovga qadar tekshiruvda aniqlangan. YTT “T.R”ga qarashli ishlab chiqarish sexida fuqaro S.J. tijorat maqsadida 3 ta alyumin eritish qozonlarini o‘rta bosimli aholi gaz tarmog‘iga qo‘lbola gaz so‘rg‘ich moslamasi yordamida yashirincha ulab, 119,3 ming kub metr tabiiy gazdan noqonuniy foydalanib, davlat va jamiyat manfaatlariga 214,7 million so‘m zarar yetkazgani aniqlangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
Мавзуга оид хабарлар:
Termizdagi “zapravka”larga vaqtincha gaz yetkazib berilmaydi Jizzaxdagi novvoyxona qariyb 700 mln so‘mlik gazdan noqonuniy foydalangani aniqlandi Samarqandda ko‘p qavatli uy xonadonida portlash yuz berdi Toshkent va yana ikki viloyat chegarasiga o‘zgartirish kiritilmoqda Ish vaqtida vafot etgan “elektroset” xodimining oilasiga 340 mln soʻm undirib berildi