Namanganda novvoyxona 362 mln so‘mlik gazdan noqonuniy foydalandi

Holat yuzasidan to‘plangan barcha hujjatlar huquqni muhofaza qiluvchi organlarga yuborilgan.

Namangan shahrida tabiiy gazdan noqonuniy foydalanish holati aniqlandi, deb xabar berdi “Hududgazta’minot” AJ matbuot xizmati.

Ma’lum qilinishicha, Namangan shahrining Namuna ko‘chasida istiqomat qiluvchi fuqaro R.Z.ga qarashli novvoyxonada gaz ta’minoti tashkiloti bilan shartnoma tuzmasdan, tabiiy gazdan noqonuniy foydalanib kelgan.

Holat yuzasidan dalolatnoma tuzilib, gaz sarfi qayta hisob-kitob qilindi va 362,5 million so‘mlik zarar hisoblandi.

To‘plangan barcha hujjatlar huquqni muhofaza qiluvchi organlarga yuborildi.

NOVA24 TikTokʼda. Obuna boʻling
Asosiy yangiliklar va qiziqarli videolar