Toshkentda yangi qurilayotgan binoda yong‘in sodir bo‘ldi

Yunusobod tumani Sharof Rashidov ko‘chasida joylashgan yangi qurilayotgan binoda yong‘in yuz berdi. Hodisa joyiga 6 ta qutqaruv ekipaji yuborilgan.

Bugun, 23 iyul kuni soat 12:35 da Toshkent shahar Yunusobod tumani Sharof Rashidov ko‘chasida joylashgan yangi qurilayotgan binoda yong‘in sodir bo‘layotganligi to‘g‘risida FVBga xabar tushgan.

Shunga ko‘ra, zudlik bilan 6 ta yong‘in-qutqaruv ekipaji yong‘in joyiga yetib borib, bartaraf etish ishlarini olib bormoqda.

Hodisa FVV rahbariyati nazoratida. Ayni damda tan jarohati olgan va halok bo‘lganlar to‘g‘risida ma’lumot kelib tushmadi.

FVV tez orada qo‘shimcha ma’lumot taqdim etilishini ma’lum qilgan.

NOVA24 Instagramʼda. Obuna boʻling
Asosiy yangiliklar va qiziqarli videolar