Panama O‘zbekistonda valyuta monitoringi uchun belgilangan ofshor hududlar ro‘yxatidan chiqarildi
Ro‘yxatda yana 68 ta davlat qolmoqda.
Soliq qo‘mitasi qaroriga ko‘ra, Panama operatsiyalari bo‘yicha kuchaytirilgan valyuta nazorati talab qilinadigan davlatlar ro‘yxatidan chiqarildi.
Ma’lumotlarga ko‘ra, Yuridik va jismoniy shaxslar tomonidan valyuta operatsiyalarini amalga oshirishning asoslanganligi yuzasidan monitoring olib borish tartibi to‘g‘risidagi nizomga o‘zgartirishlar kiritildi. Tegishli hujjat Bosh prokuratura huzuridagi Iqtisodiy jinoyatlarga qarshi kurashish departamenti va SSP bilan kelishilgan.
Hozir ro‘yxatga imtiyozli soliq rejimini taqdim etuvchi va (yoki) moliyaviy operatsiyalarni amalga oshirishda axborotni oshkor etish va taqdim etishni nazarda tutmaydigan 68 ta mamlakat kiritilgan.
Izohlar