12 Avgust 2024, 17:19 •Oʻzbekiston

Namanganda bir oilaning 3 nafar a’zosi o‘ldirildi

Holat yuzasidan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilgan.

Namangan viloyatining Pop tumanida bir oilaning uch nafar a’zosi — ona va uning ikki nafar farzandi pichoqlab, o‘ldirildi. Bu haqda Daryo manbasiga tayanib xabar berdi.

Unga ko‘ra, voqea 9-avgust kuni soat 21:40 larda sodir bo‘lgan.

Qayd etilishicha, Pop tumanining “Boyon” MFY, Boyon-3 ko‘chasida yashovchi fuqaro M.A. ismli ayol qarindoshining yashash xonadoniga borib, avvaldan mavjud bo‘lgan mulkiy nizo sabab u bilan janjallashib qolgan. M.R. ayol qarindoshi va uning ikki nafar voyaga yetmagan farzandini pichoq bilan qasddan urib o‘ldirib, voqea joyidan yashiringan.

Qo‘shimcha qilinishicha, mazkur holat yuzasidan 2024-yilning 10-avgust kuni Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilgan. Tergov harakatlari olib borilmoqda.