O‘zbekistonda 8 oyda qancha soliq imtiyozlaridan foydalanildi?

Soliq qo‘mitasi o‘zbekistonliklar 8 oyda qancha soliq imtiyozlaridan foydalanilganini ochiqladi.

O‘zbekistonda soliq to‘lovchilar 8 oyda 16 trillion so‘m soliq imtiyozlaridan foydalandi. Bu haqda Soliq qo‘mitasi axborot xizmati xabar berdi.

Ma’lum qilinishicha, 2024-yilning yanvar-avgust oylarida 138 661 ta tashkilot 16 trillion so‘m miqdorda soliq imtiyozlaridan foydalangan. Shu bilan birga:

2 927 ta korxona moliyaviy xizmatlar bo‘yicha 13,1 trillion so‘mlik QQSsiz operatsiyalar amalga oshirgan;
7 185 ta korxona 22,5 trillion so‘m miqdorida QQS nol stavkasini qo‘llagan.

Soliq turlari kesimida foydalanilgan soliq imtiyoz summalari:

• QQS – 8 trillion so‘m;
• foyda solig‘i – 2,3 trillion so‘m;
• yer solig‘i – 1,9 trillion so‘m;
• ijtimoiy soliq – 1,9 trillion so‘m;
• JSHODS – 884,7 milliard so‘m;
• mol-mulk solig‘i – 801,6 milliard so‘m;
• AOS – 139 milliard so‘m;
• suv resurslaridan foydalanganlik uchun soliq – 19,9 milliard so‘m.

Xalqaro ekspertlar xulosasiga asosan, QQS bo‘yicha moliyaviy xizmatlar va nol stavka hisobi alohida yuritiladi.

NOVA24 Telegramʼda. Obuna boʻling
Tezkor xabarlar va asosiy voqealar