Qashqadaryoda 5 mashina ishtirokida YTH yuz berdi

Hozirda mazkur hodisa yuzasidan surishtiruv harakatlari olib borilmoqda.

Qashqadaryo viloyatida 5 ta mashina ishtirokida yoʻl-transport hodisasi sodir boʻldi. Bu haqda viloyat Yoʻl harakati xavfsizligi boshqarmasi xabar berdi.

Qayd etilishicha, hodisa 1-dekabr kuni soat 22:02 larda Qarshi shahar Beklar mahallasi hududi A.Temur koʻchasida sodir boʻlgan. Unda P.D. boshqaruvida boʻlgan “Lacetti-1” rusumli avtomobil A.Temur koʻchasi tomonidan Qarshi shahar Jayxun koʻchasi tomon harakatlanib borib, M.A. boshqaruvida boʻlgan “Lacetti-2”ning harakat yoʻliga chiqib ketgan.

Oqibatda yoʻlning oʻng tomonida toʻxtab turgan P.D. boshqaruvida boʻlgan “Lacetti-3”, T.S. boshqaruvida boʻlgan “Cobalt”, P.Sh. boshqaruvida boʻlgan “Tracker” rusumli avtomobillariga kelib urilgan va yoʻl-transport hodisasi sodir etgan.

Toʻqnashuv oqibatida “Lacetti-3” avtomobili salonida boʻlgan yoʻlovchi tan jarohati olib shifoxonaga yotqizilgan. Hozirda mazkur holat yuzasidan surishtiruv harakatlari olib borilmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar