Toshkentda 5 ta mashina ishtirokida YTH sodir bo‘ldi

Mirzo Ulug‘bek tumanida 5 ta transport vositasi oraliq masofaga amal qilmasdan to‘qnashgan.

Toshkent shahrining Mirzo Ulug‘bek tumanida 28-noyabr kuni soat 16:10 larda 5 ta avtomashina ishtirokida YTH sodir bo‘ldi. Bu haqda poytaxt IIBB YHXB axborot xizmati xabar berdi.

Mustaqillik—Movarounnahr ko‘chalari kesishmasida bir yo‘nalishda harakatlanib kelgan haydovchilar:

• 1958-yilda tug‘ilgan T.R. boshqaruvidagi Hongqi EQM 5;
• 1994-yilda tug‘ilgan S.A. boshqaruvidagi Cobalt;
• 1988-yilda tug‘ilgan X.U. boshqaruvidagi Tracker-2;
• 1998-yilda tug‘ilgan S.A. boshqaruvida bo‘lgan Nexia-3;
• 1982-yilda tug‘ilgan T.M. boshqaruvida bo‘lgan Onix transport vositalari oraliq masofaga amal qilmasdan to‘qnashgan.

Hodisa oqibatida tan jarohati olganlar yo‘q.

Holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.

NOVA24 Telegramʼda. Obuna boʻling
Tezkor xabarlar va asosiy voqealar