Toshkent xalqaro aeroportida parvozlarni qabul qilish cheklandi

Noqulay ob-havo sharoiti tufayli Toshkent xalqaro aeroportida parvozlarni qabul qilish vaqtincha cheklandi.

Toshkent xalqaro aeroportida 4-dekabr kuni havo kemalarini qabul qilishga cheklovlar joriy etildi. Bu haqda Uzbekistan Airports matbuot xizmati xabar berdi.

Qayd etilishicha, cheklovlar noqulay ob-havo sharoiti tufayli mahalliy vaqt bilan soat 05:30 dan boshlab joriy etildi.

Cheklovlar vaqtida barcha reyslar muqobil aerodromlarga yo‘naltiriladi. Uzbekistan Airways aviakompaniyasining Liej—Toshkent yo‘nalishidagi HY3174 reysi Buxoro muqobil aeroportiga yo‘naltirildi.

3-dekabrda ham Toshkent xalqaro aeroportida tuman sababli samolyotlarni qabul qilish vaqtincha cheklangandi.

NOVA24 Instagramʼda. Obuna boʻling
Asosiy yangiliklar va qiziqarli videolar