2025-yil dekabr oyida O‘zbekistonda oylik inflyatsiya 0,9 foizni tashkil etib, pasaydi, deyiladi Statistika qo‘mitasi hisobotida.
Ma’lumotlarga ko‘ra, 2025-yil yakuni bo‘yicha mamlakatda inflyatsiya ko‘rsatkichi 7,3 foizni tashkil etib, 2024-yilning mos davriga nisbatan 9,8 foizga pasaygan. Qayd etilishicha, bu so‘nggi 5 yildagi natija. Vazirlik ma’lumotlariga ko‘ra, 12 oy davomida mamlakatda oziq-ovqat mahsulotlari o‘rtacha 5,5 foizga, nooziq-ovqat mahsulotlari 5,1 foizga, xizmatlar 13,9 foizga qimmatlashgan.
Shu bilan birga, yil davomida sitrus mevalar va karam eng ko‘p qimmatlashdi — bu ko‘rsatkich mos ravishda 33,6% va 31,8% ga oshdi. Uchinchi o‘rinni qo‘y go‘shti va suyaksiz mol go‘shti egalladi — ko‘rsatkich mos ravishda 26,8% va 25% ga oshdi. Yil davomida qolgan mahsulotlar narxi quyidagicha oshdi:
- suyakli mol go‘shti — 23,9%;
- paxta yog‘i — 17,7%;
- bodring — 16%;
- kungaboqar yog‘i — 12,7%;
- sabzi — 10,8%;
- baqlajon — 8%;
- sut — 5,7%;
- parranda go‘shti — 3,7% dan 4,2% gacha;
- pomidor — 2,6%;
- yuqori sifatli undan tayyorlangan non — 1,6%.
Shu bilan birga, quyidagilar arzonlashdi:
- guruch — 16,6%;
- bulg‘or qalampiri — 14,9%;
- tuxum — 14,5%;
- shakar — 4,8%;
- un — 4,7%.
Avvalroq Oʻzbekiston import qilinadigan tovarlar va mahsulotlarga nol boj muddatini uzaytirgani haqida xabar berilgan edi. Shuningdek, 2026-yildan boshlab mamlakatda chiqindilar bilan bog‘liq ishlarni amalga oshirish sohasida imtiyozli soliq rejimi joriy etiladi.
