Toshkentda shifokorlar bolaning yuragida noyob jarrohlik amaliyotini o‘tkazdi

Toshkentda shifokorlar bolaning yuragida noyob jarrohlik amaliyotini o‘tkazdi, unda bemorning to‘qimalaridan yangi klapan yaratildi, deb xabar bermoqda SSV axborot xizmati.

Olti yoshli bemorning shikastlangan uch tavaqali klapani olib tashlandi. Uning o‘rniga jarroh yurakning o‘ng bo‘lmachasi qulog‘idan yangi klapan yaratdi, bu esa ishlashda eng yuqori aniqlikni talab qiladi. Jarrohlik amaliyotini bolalar kardioxirurgi, “El-yurt umidi” jamg‘armasi stipendiati Bobur To‘rayev o‘tkazdi.

Ma’lum qilinishicha, u tibbiyot fanlari nomzodi Nodir Ibragimov rahbarligidagi klinika jamoasi tarkibida ishlagan. Sakkiz oyda bu yerda 500 ga yaqin kardiojarrohlik amaliyoti o‘tkazildi. Shifokor London universiteti kollejida tahsil olgan, o‘nta mamlakatda stajirovka o‘tagan va 20 ga yaqin ilmiy ishlari chop etilgan.

“U yosh bo‘lishiga qaramay, bolalarda mingdan ortiq yurak operatsiyalarini muvaffaqiyatli o‘tkazgan. Ushbu muvaffaqiyat mahalliy kardiojarrohlikni rivojlantirishga turtki bo‘ladi va shifokorlarni yangi yutuqlarga ilhomlantiradi”, — deyiladi xabarda.

Eslatib o‘tamiz, O‘zbekistonda birinchi robot-jarroh paydo bo‘ladi. Apparat operatsiyadan keyingi reabilitatsiya vaqtini qisqartirishga yordam beradi.