O‘zbekistonda 7 oyda qancha elektr energiyasi ishlab chiqarilgani ma’lum qilindi

Energetika vazirligiga ko‘ra, bu ko‘rsatkich 2023-yilning mos davridagiga nisbatan 1,6 foiz ko‘p.

Energetika vazirligi tomonidan joriy yilning o‘tgan yetti oyida O‘zbekistonda elektr energiyasi ishlab chiqarish va yetkazib berish ko‘rsatkichlari e’lon qilindi.

Ushbu davrda respublikamizda jami 47,8 mlrd kVt/soat elektr energiyasi ishlab chiqarilgan bo‘lib, bu o‘tgan yilning shu davridagiga nisbatan 2,1 mlrd kVt/soat yoki 4,7 foiz ko‘p demakdir.

Shuningdek, respublika iste’molchilariga shu vaqt mobaynida 39,8 mlrd kVt/soat elektr energiyasi yetkazib berildi.

Mazkur ko‘rsatkich 2023-yilning mos davridagiga nisbatan 629,6 mln kVt/soat yoki 1,6 foiz ko‘p.

NOVA24 Instagramʼda. Obuna boʻling
Asosiy yangiliklar va qiziqarli videolar