Namanganda 426 mln soʻmlik elektrdan noqonuniy foydalangan savdo doʻkoni aniqlandi

Mazkur holat yuzasidan jinoyat ishi qoʻzgʻatilib, gumonlanuvchi protsessual tartibda ushlangan.

Respublika va hududiy shtablar tomonidan energiya resurslarni talon-toroj qilinishini fosh etishga qaratilgan nazorat tadbirlari davom etmoqda, deb xabar bermoqda Bosh prokuratura matbuot xizmati.

Xususan, Namangan shahrining Zarbdor mahallasi hududida yakka tartibdagi tadbirkor oʻziga qarashli savdo doʻkonidagi elektr qurilmalarini tijorat maqsadida hisobga olish uskunasidan tashqari oʻzboshimchalik bilan tarmoqqa ulab, jami 426,3 mln soʻmlik 157,9 ming kVt/soat elektr energiyasini oʻgʻirlagan.

Mazkur holat yuzasidan tadbirkorga nisbatan Jinoyat kodeksining 169-moddasi (oʻgʻirlik) 4-qismi “a” bandi bilan jinoyat ishi qoʻzgʻatilib, gumonlanuvchi protsessual tartibda ushlangan.

NOVA24 YouTubeʼda. Obuna boʻling
Asosiy yangiliklar va qiziqarli videolar