Jizzaxdagi novvoyxona qariyb 700 mln so‘mlik gazdan noqonuniy foydalangani aniqlandi

Mazkur holat yuzasidan Jinoyat kodeksining tegishli moddasi bilan jinoyat ishi qo‘zg‘atilib, gumonlanuvchi protsessual tartibda ushlangan.

Energiya resurslarini talon-toroj qilinishini fosh etishga qaratilgan nazorat tadbirlari davom etmoqda. Bu haqda Bosh prokuratura xabar berdi.

Maʼlum qilinishicha, Jizzax shahrining “Madaniyat” mahallasida yashovchi fuqaro S.S. tegishli tartibda davlat ro‘yxatidan o‘tmasdan, o‘z yashash xonadonida novvoyxona tashkil qilib, nostandart yondirgichlarni (gorelka) gaz tarmog‘iga o‘zboshimchalik bilan ulab, jami 699,2 mln so‘mlik 268,9 ming metr kub tabiiy gazni o‘g‘irlagan.

Mazkur holat yuzasidan fuqaro S.S.ga nisbatan Jinoyat kodeksining 169-moddasi (o‘g‘irlik) 4-qismi “a” bandi bilan jinoyat ishi qo‘zg‘atilib, gumonlanuvchi protsessual tartibda ushlangan.

NOVA24 TikTokʼda. Obuna boʻling
Asosiy yangiliklar va qiziqarli videolar