Jizzaxda 812 mln soʻmlik gazdan noqonuniy foydalangan mehmonxona aniqlandi

Mazkur holat yuzasidan jinoyat ishi qoʻzgʻatilib, yetkazilgan zarar toʻliq undirilishi taʼminlangan.

Yoqilgʻi-energiya resurslaridan noqonuniy foydalanish bilan bogʻliq holatlarni fosh etishga qaratilgan nazorat tadbirlari davom etmoqda. Bu haqda Bosh prokuratura matbuot xizmati xabar berdi.

Qayd etilishicha, Jizzax shahrida oʻtkazilgan tezkor tadbirda “L.F.I” MChJ rahbari J.O. jamiyatga qarashli mehmonxonani oʻzboshimchalik bilan hisoblagichdan tashqari gaz tarmogʻiga ulagani aniqlangan. Oqibatda 812,9 mln soʻmlik tabiiy gazni yashirin ravishda talon-toroj qilgan.

Viloyat prokuraturasi tomonidan J.O.ga nisbatan Jinoyat kodeksining 169-moddasi (oʻgʻirlik) 4-qismi “a” bandi bilan jinoyat ishi qoʻzgʻatilgan.

Qoʻshimcha qilishicha, dastlabki tergov davomida jamiyat tomonidan yetkazilgan zarar toʻliq undirilishi taʼminlangan.

NOVA24 TikTokʼda. Obuna boʻling
Asosiy yangiliklar va qiziqarli videolar