Buxoroda kadastr muhandisi 3000 dollar pora bilan qo‘lga olindi

Buxoro shahrida o‘zganing yerini olib berish evaziga fuqarodan 3000 dollar pora olgan kadastrchi ushlandi.

Buxoroda tadbirkorning binosidan foydalanishga ruxsatnoma olib berishni va’da qilgan kadastr muhandisi ushlandi, deb xabar berdi Iqtisodiy jinoyatlarga qarshi kurashish departamenti.

Tashkilotning Buxoro shahri bo‘limi va viloyat IIB xodimlari hamkorligida tadbirkorlik subyektlarining huquqlarini himoya qilish yuzasidan tezkor tadbir o‘tkazilgan. Unda Kadastrlar palatasi Qorovulbozor tumani filiali yetakchi muhandisi M.S. ushlangan.

Aniqlanishicha, u fuqaro A.X.ning ishonchiga kirib, tumandagi “Bo‘zachi” MFY hududida joylashgan tadbirkor J.S.ga tegishli qishloq xo‘jaligi mahsulotlarini qayta ishlash obyekti binosini Qurilish sohasida hududiy nazorat inspeksiyasidan ro‘yxatdan o‘tkazish va foydalanish uchun ruxsatnoma olib berishni va’da qilgan. U xizmati evaziga 3000 dollar olgan.

Holat yuzasidan Jinoyat kodeksining 25, 168-moddasi (Firibgarlik) 28, 211-moddasi (Pora berish) bilan jinoyat ishi qo‘zg‘atilib, tergov harakatlari o‘tkazilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar