Pensioner Gentra haydovchisi 82 marta YHQni buzdi va jarima to‘lamadi
Erkak mashinani yashirishga uringan, biroq uni baribir jarima maydonchasiga olib ketishdi.
Namanganda 70 yoshli mahalliy fuqaro yo‘l harakati qoidalarini buzish va jarimalardan bo‘yin tovlash bo‘yicha rekord o‘rnatdi. Bu haqda MIB NOVA24’ga ma’lum qildi.
Ma’lumotlarga ko‘ra, Gentra`ni boshqargan erkak 82 marta qoidabuzarlik sodir etgan va birorta ham jarima to‘lamagan. Bundan tashqari, erkak jarima to‘lanmaguncha evakuatsiya qilinmasligi uchun avtomobilni xavfsizlik xodimlaridan yashirgan.
Jarimalarning katta qismini erkak to‘xtash qoidalariga rioya qilmagani, shuningdek, yo‘l belgilariga e’tibor bermagani uchun olgan. Biroq, tartib posbonlari pensionerni topib, uning transportini jarima maydonchasiga olib ketishgan.
Avvalroq ba’zi haydovchilar jarima chegirmalaridan mahrum bo‘lishi haqida xabar berilgandi. Prezident yo‘l qoidalarini surunkali buzuvchilar masalasiga e’tibor qaratdi.
Izohlar