Jizzaxda qizlar to‘y ko‘ylaklari va “er qidiryapman” yozuvli taxtacha bilan yurgani bo‘yicha sud o‘tkazildi
To‘y liboslari saloni rahbari va bloger jarimaga tortildi.
Jizzaxda to‘y libosidagi va “er qidiryapman” yozuvli taxtacha ko‘targan bir necha qizni suratga olish ishi bo‘yicha ochiq sud majlisi bo‘lib o‘tdi.
Berilgan ma’lumotlarga ko‘ra, to‘y liboslari saloni boshqaruvchisi va videoni suratga olgan bloger 49-moddaning 1-qismi (Mehnat va mehnatni muhofaza qilish to‘g‘risidagi qonunchilikni buzish) bo‘yicha voyaga yetmaganlarni ishga jalb qilgani uchun BHMning 15 baravari (5 million 625 ming so‘m) miqdorida jarimaga tortildi.
Eslatib o‘tamiz, voqea Jizzax viloyatining “Xalqobod” mahallasida yuz bergan. “Gulruh” go‘zallik saloni rahbari va bloger reklama maqsadida to‘y libosidagi qizlarning «Er qidiryapman» yozuvli taxtacha bilan ko‘chalarda sayr qilayotganini aks ettiruvchi video suratga olishga qaror qilishgan. Oila va xotin-qizlar bosh boshqarmasi bu g‘oyani qadrlamadi va darhol “milliy qadriyatlar” himoyasiga o‘tdi.
Izohlar