O‘zbekistonliklar Turkiyada ish topishi osonlashadi
Yangi qoidalar turkiy davlatlar aholisi uchun ochiq bo‘ladi.
Turkiya o‘zbekistonlik tadbirkorlar, davlat va xususiy tuzilmalar xodimlarini ish bilan ta’minlash tartibini soddalashtirdi, deyiladi mamlakat prezidenti Rajab Toyyib Erdo‘g‘anning qarorida.
Ma’lumotlarga ko‘ra, endilikda o‘zbekistonliklar mamlakatda ruxsatnoma olishning murakkab jarayonlaridan o‘tmasdan ishlashlari mumkin bo‘ladi. Chet el fuqarolari ham mahalliy aholi singari professional birlashmalarda ro‘yxatdan o‘tishlari kifoya. Bunda yashash va ishga joylashish uchun mamlakat fuqaroligiga ega bo‘lish majburiy bo‘lmaydi.
Qayd etilishicha, bunday qoidalar Turkiyada davlat va xususiy tuzilmalarda tadbirkorlik va kasbiy faoliyat bilan shug‘ullanishi mumkin bo‘lgan Ozarbayjon, Qozog‘iston, Qirg‘iziston va Turkmaniston fuqarolari uchun ham amal qiladi. Faqat armiya va xavfsizlik idoralarida xizmat qilish, shuningdek, ovoz berish va saylovlarda nomzod bo‘lish imkoniyati bundan mustasno.
Avvalroq Turkiyada samolyot to‘liq to‘xtamaguncha o‘rnidan turganlar uchun jarimalar tasdiqlangani xabar qilingandi. Qoidabuzarlar 70 dollar bilan xayrlashishiga to‘g‘ri keladi.
Izohlar