Toshkent metropoliteniga yana 3 ta zamonaviy metro poyezdi olib kelindi

Poytaxt metrosida yo‘nalishlardagi vaqt intervallarini yanada qisqartirish maqsadida yana yangi to‘rt vagonli 3 ta zamonaviy metro poyezdi olib kelindi.

Bugun 11-yanvar kuni Toshkent metropoliteniga yana yangi to‘rt vagonli 3 ta zamonaviy metro poyezdlari olib kelindi. Bu haqida “Toshkent metropoliteni” DUK xabar qildi.

“Yo‘nalishlardagi vaqt intervallarini yanada qisqartirish maqsadida, ushbu poyezdlar belgilangan yo‘riqnomaga asosan, 9-10 kun davomida texnik sinovdan o‘tkazilib, so‘ngra yo‘lovchilarga xizmat qilishi uchun yo‘nalishlarga chiqariladi.

Shuningdek, ta’kidlash lozimki, 2025-yil yanvar-fevral oylarida yana 6 ta metro poyezdi olib kelinishi rejalangan. Bu rejaviy ishlar natijasida, metro vagon parklarini yangilash va belgilangan vaqt intervallarini yanada qisqartishga erishish maqsad qilingan”, deyiladi “Toshkent metropoliteni” xabarida.

NOVA24 YouTubeʼda. Obuna boʻling
Asosiy yangiliklar va qiziqarli videolar