Andijonda 24 yoshli yigit o‘zini yoqib yubordi

Andijon shahrida 24 yoshli yigit ustiga benzin quyib, o‘zini yoqib yubordi.

Andijon shahrida 31-oktabr kuni 24 yoshli yigit ustiga benzin quyib, o‘zini yoqib yubordi.

Ma’lum bo‘lishicha, fuqaro R.F. soat taxminan 22:40 larda ustiga benzin sepib, Ilg‘or mahallasidagi to‘yxonada joylashgan Paynet shoxobchasi yonida o‘zini yoqib yuborgan. Yigit ustiga benzin sepib, shoxobchaga kirgani, o‘zini yoqib yuborib, voqea joyida qaytib chiqqani hududda o‘rnatilgan videokameralar tushib qolgan.

U tanasining turli qismidan kuyish jarohatlarini olgan va RSHTYoIAM viloyat filialiga olib borilgan. Fuqaroga zarur tibbiy muolajalar ko‘rsatilgan.

Bosh prokuratura axborot xizmatiga ko‘ra, hozirda o‘z joniga qasd qilish holatining sababi o‘rganilmoqda. Shuningdek, tergovga qadar tekshiruv davomida fuqaro R.F. olgan tan jarohatlari bo‘yicha sud-tibbiy ekspertizasi tayinlangan.

Ijtimoiy tarmoqlarda tarqalgan xabarda yigit onlayn qimor o‘yinida katta miqdordagi mablag‘ni boy bergani uchun o‘z joniga qasd qilgani aytilmoqda.

NOVA24 YouTubeʼda. Obuna boʻling
Asosiy yangiliklar va qiziqarli videolar