Toshkentda Nexia-3 bordyurga urilib, yonib ketdi

Yunusobod tumanida Nexia-3 yo‘l chetidagi beton bordyurga borib urilib, yonib ketdi.

Toshkent shahri Yunusobod tumanida 31-oktyabr kuni Nexia-3 mashinasi yonib ketdi, deb xabar bermoqda yo‘l harakati xavfsizligi boshqarmasi.

Holat soat 21:50 larda Ahmad Donish ko‘chasida yuz bergan. Haydovchi A.A. (2004 y.t.) rul boshqaruvini yo‘qotib, beton bordyurga urilgan. Oqibatda avtomashinada yong‘in kelib chiqqan.

Guvohlarning aytishicha, voqea joyiga o‘t o‘chirish brigadasi 7-8 daqiqa ichida yetib kelgan. Ijtimoiy tarmoqdagi videolarda esa yong‘inni o‘chirishga beton aralashtirgich haydovchisi ham yordam berayotganini ko‘rish mumkin.

Yong‘in FVV xodimlari tomonidan o‘chirildi, YTHda hech kim jarohatlanmadi, deb yozdi YHXB matbuot xizmati.

NOVA24 Telegramʼda. Obuna boʻling
Tezkor xabarlar va asosiy voqealar