“Oltin to‘p”ni kim qo‘lga kiritishi deyarli aniq bo‘ldi

Ballon D’Or rasmiy sayti “Oltin to‘p”ni kim qo‘lga kiritishiga shama qildi.

Bugun, 28-oktyabr kuni Parijda “Oltin to‘p”ni topshirish marosimi bo‘lib o‘tadi.

Tadbir oldidan “Oltin to‘p”ning ijtimoiy tarmoqdagi rasmiy akkauntida bu yil sovrinni kim qo‘lga kiritishiga shama qilgan ko‘rinadi. Videoda Didye Drogba “Oltin to‘p” mukofotini Reseb nomi bilan tanilgan bloger Iran Ferreyraga topshirmoqda. Bloger Braziliya terma jamoasi libosida bo‘lgan.

Ushbu postdan so‘ng, muxlislar “Real Madrid” hujumchisi Vinisius Junior barcha futbolchilar orzusi hisoblangan ushbu mukofotni qo‘lga kiritishiga yanada ishonch hosil qilganini sharhlarda yozib qoldirgan.

Ma’lumot uchun, o‘tgan mavsumda Vinisius “Real Madrid” tarkibida La Liga va Chempionlar Ligasida g‘olib bo‘lgan.

NOVA24 TikTokʼda. Obuna boʻling
Asosiy yangiliklar va qiziqarli videolar