Eng ko‘p bahslarga sabab bo‘lgan “Oltin to‘p” Rodriga nasib qildi

“Barselona” a’zosi Aytana Bonmati ayollar o‘rtasidagi “Oltin to‘p”ga loyiq ko‘rildi.

Fransiyaning Parij shahrida 2024-yilgi “Oltin to‘p” sohibini taqdirlash marosimi bo‘lib o‘tdi.

“Manchester Siti” futbolchisi Rodri 2024-yilgi “Oltin to‘p” sohibiga aylandi. Rodri o‘tgan mavsumda “Manchester Siti” bilan birgalikda Angliya chempionligini qo‘lga kiritdi, shuningdek, Ispaniya termasi bilan Yevro g‘olibiga aylandi va ushbu turnirning eng yaxshi futbolchisi sovrinini qo‘lga kiritgandi.

Shuningdek, quyida mavsumning “eng-eng-eng”lari bilan tanishishingiz mumkin:

• “Barselona” a’zosi Aytana Bonmati ayollar o‘rtasidagi “Oltin to‘p”ga loyiq ko‘rildi.
• “Barselona” futbolchisi Lamin Yamal eng yaxshi yosh futbolchiga beriladigan “Kopa Trofi” sovrinini qo‘lga kiritdi.
• Madridning “Real” jamoasi yilning eng yaxshi klubi deb topildi.
• “Real Madrid” bosh murabbiyi Karlo Anchelotti yilning eng yaxshi murabbiyi deb topildi.
• Jenifer Ermoso esa Sokrates nomidagi sovrin sohibiga aylandi.
• Argentina terma jamoasi va “Aston Villa” darvozaboni Emiliano Martines eng yaxshi darvozabonga beriladigan Lev Yashin sovriniga ega chiqdi.
• “Bavariya” hujumchisi Harri Keyn hamda “Real” a’zosi Kilian Mbappega eng yaxshi to‘purarga beriladigan Gerd Myuller sovrini nasib etdi.

NOVA24 YouTubeʼda. Obuna boʻling
Asosiy yangiliklar va qiziqarli videolar