O‘zbekiston aholisi kuniga 2 ming kishiga oshmoqda

Statistika agentligi O‘zbekiston aholisi kuniga 2 ming kishiga oshayotganini ma’lum qildi.

Statistika agentligi ma’lumotlariga ko‘ra, 2024 yilning 1 oktyabr holatiga O‘zbekistonning doimiy aholisi 37,4 mln kishini tashkil etgan.

Respublikamizning doimiy aholisi soni o‘tgan yilning mos davri bilan solishtirilganda 2,1 foizga oshgan.

Aholi soni 2024 yil boshidan buyon 555,6 ming kishiga ko‘paygan. Jumladan, 2024 yilning har bir oyida o‘rtacha 61,7 ming kishiga oshgan.

2024 yilning har bir kunida doimiy aholi soni o‘rtacha 2 ming kishiga ko‘paymoqda.

NOVA24 Instagramʼda. Obuna boʻling
Asosiy yangiliklar va qiziqarli videolar