Farg‘onada 360 mln so‘mlik gazdan noqonuniy foydalangan choyxona aniqlandi
Mazkur holat bo‘yicha viloyat prokuraturasi tomonidan jinoyat ishi qo‘zg‘atilgan.
Yoqilg‘i-energiya resurslaridan noqonuniy foydalanish bilan bog‘liq holatlarni fosh etishga qaratilgan nazorat tadbirlari davom etmoqda. Bu haqda Bosh prokuratura matbuot xizmati xabar berdi.
Maʼlum qilinishicha, Farg‘ona viloyati Rishton tumanidagi “B.A.” xususiy korxonasi rahbari M.A. korxonaga qarashli choyxonani o‘zboshimchalik bilan hisoblagichdan tashqari gaz tarmog‘iga ulagan.
Oqibatda 360 mln so‘mlik tabiiy gazni yashirin ravishda talon-toroj qilgan.
Mazkur holat bo‘yicha viloyat prokuraturasi tomonidan korxona rahbari M.A.ga nisbatan Jinoyat kodeksining 169-moddasi (o‘g‘irlik) 4-qismi “a” bandi bilan jinoyat ishi qo‘zg‘atildi.
Dastlabki tergov davomida korxona tomonidan yetkazilgan 360 million so‘m zararni to‘liq undirilishi taʼminlandi.
Мавзуга оид хабарлар:
Farg‘onada ikki kishining o‘limiga sababchi bo‘lgan haydovchi qamaldi Namanganda 3 mlrd so‘mlik gazdan noqonuniy foydalangan issiqxona aniqlandi Jizzaxda 812 mln soʻmlik gazdan noqonuniy foydalangan mehmonxona aniqlandi Ichida bolalar bo‘lgan Damas Farg‘ona kanaliga tushib ketdi O‘zbekistonga noqonuniy olib o‘tilayotgan iPhone 16’lar ushlab qolindi