O‘qituvchilarni majburiy mehnatga jalb qilgan maktab direktori jarimaga tortildi
Asaka tumanidagi 37-umumtaʼlim maktabida o‘qituvchilarni majburiy mehnatga jalb qilgan direktor 34 mln so‘m jarima to‘laydigan bo‘ldi.
Ijtimoiy tarmoqlarda Andijon viloyati Asaka tumanidagi 37-umumtaʼlim maktabi o‘qituvchi-pedagoglari majburiy mehnatga jalb qilingani bo‘yicha xabarlar tarqalgan edi. Holat yuzasidan Kambag‘allikni qisqartirish va bandlik vazirligi izoh berdi.
Maʼlum qilinishicha, holat davlat Mehnat inspeksiyasi tomonidan o‘rganib chiqilgan.
Maktab direktori o‘z ko‘rsatmasida, taʼlim muassasasida qurilish ishlari olib borilgani, shu sababli qurilishdan chiqqan chiqindilarni tozalash ishlariga 30 ga yaqin o‘qituvchi-pedagog va texnik xodimlarni majburan jalb qilgani, xodimlar ish stavkalari va dars soatlari qisqarib ketishidan xavotir olib ushbu ishlarni ko‘rsatmasi asosida bajarganini qayd etgan.
O‘rganish davomida Mehnat kodeksining 25-moddasi hamda Vazirlar Mahkamasining 349-sonli qarori talablarini buzganligi aniqlangan.
Shu sababli Asaka tumanidagi 37-umumtaʼlim maktabi direktoriga nisbatan Maʼmuriy javobgarlik to‘g‘risidagi kodeksining 51-moddasi 2-qismiga asosan bazaviy hisoblash miqdorining 100 baravari – 34 mln so‘m miqdorida maʼmuriy jarima qo‘llanildi.
Мавзуга оид хабарлар:
Andijonda “avtomoyka” 286 mln so‘mlik elektrdan noqonuniy foydalangani aniqlandi Samarqandda maktab o‘quvchilari majburiy mehnatga jalb qilingani rad etildi Andijondagi tugʻuruqxonada homilador ayol vafot etgani aytildi Andijon viloyatida “valyutchik” qo‘lga tushdi Andijonda maktab o‘quvchisi sinfdoshini kaltakladi