Buxoro shahrining sobiq hokimi yangi lavozimga tayinlandi

Shaharga 2021-yildan boshlab 3 yil hokimlik qilgan Nosirov may oyida sogʻligʻi yomonlashgani sabab oʻz arizasi bilan lavozimidan ozod qilingandi.

Jamol Nosirov Buxoro viloyati Ekologiya, atrof muhitni muhofaza qilish va iqlim oʻzgarishi boshqarmasi boshligʻi etib tayinlandi. Bu haqda viloyat hokimligi matbuot xizmati xabar berdi.

Buxoro shahriga 2021-yildan boshlab 3 yil hokimlik qilgan Nosirov may oyida sogʻligʻi yomonlashgani sabab oʻz arizasi bilan lavozimidan ozod qilingandi.

Uning oʻrniga Qurilish va uy-joy kommunal xoʻjaligi vazirligi Issiqlik taʼminotini ekspluatatsiya qilish va rivojlantirish boshqarmasi boshligʻi vazifasida ishlab kelgan Qurbon Tursunov Buxoro shahar hokimi lavozimiga tasdiqlangandi.

Jamol Nosirov 1985-yilda Buxoro shahrida tugʻilgan. 2005-yilda Buxoro davlat universitetini va 2008-yilda ushbu universitetning magistraturasini tamomlagan.

NOVA24 TikTokʼda. Obuna boʻling
Asosiy yangiliklar va qiziqarli videolar