Abduqodir Husanov qo‘polligi uchun 2 ta o‘yinga chetlatildi

“Lans” klubi himoyachisi Abduqodir Husanov PSJ'ga qarshi o‘yindagi qo‘polligi uchun 2 uchrashuvga chetlatildi.

O‘zbekiston terma jamoasi va “Lans” klubi himoyachisi Abduqodir Husanov 2 uchrashuvga chetlatilgani ma’lum bo‘ldi.

Fransiya futbol federatsiyasi tartib-intizom qo‘mitasi qaroriga ko‘ra, o‘zbekistonlik 20 yoshli himoyachi PSJ’ga qarshi so‘nggi tur o‘yinida (0:1) Ashraf Hakimiga nisbatan qo‘polligi uchun olgan qizil kartochka sababli o‘z klubining “Nant”ga qarshi o‘z maydonida o‘tadigan uchrashuvi va 23-noyabr kuni “Marsel”ga qarshi bahsni o‘tkazib yuboradigan bo‘ldi.

Maʼlumot uchun, Abduqodir Husanov Qatar va KXDRga qarshi o‘yinlarda qatnashish uchun O‘zbekiston milliy jamoasi safiga qo‘shiladi.

NOVA24 YouTubeʼda. Obuna boʻling
Asosiy yangiliklar va qiziqarli videolar