O‘zbekistonlik sportchilar Jahon yozgi Universiadasida kumush medalni qo‘lga kiritdi
Mukofotlarni gimnastikachi Ikromova va suzuvchi Usmonovlar keltirishdi.
O‘zbekistonlik sportchilar Jahon yozgi Universiadasida dastlabki medallarni qo‘lga kiritdi, deya xabar bermoqda MOQ axborot xizmati.
Ma’lumotlarga ko‘ra, musobaqa Germaniyada bo‘lib o‘tmoqda. Taxmina Ikromova badiiy gimnastika bo‘yicha ko‘pkurashda ishtirok etib, kumush medalni qo‘lga kiritishga muvaffaq bo‘ldi.
Suzish bo‘yicha bahslarda Eldorbek Usmonov 50 metrga batterflyay usulida suzishda ikkinchi bo‘lib kumush medalni qo‘lga kiritishga muvaffaq bo‘ldi.
Avvalroq dzyudo bo‘yicha umumjamoa hisobida o‘zbekistonlik sportchilar birinchi o‘rinni egallagani haqida xabar berilgandi. Milliy terma jamoa musobaqa mezbonlarini ortda qoldirishga muvaffaq bo‘lgan va 29 ta medalni qo‘lga kiritgan.
Izohlar