O‘zbekiston 24 yil ichida birinchi marta yunon-rum kurashi bo‘yicha jahon chempionatida oltin medalni qo‘lga kiritdi

Yunon-rum kurashi bo‘yicha O‘zbekiston terma jamoasi vakili Aytjan Xalmaxanov so‘nggi 24 yil ichida ilk bor mamlakatga oltin medal keltirdi, deya xabar bermoqda MOQ matbuot xizmati.

Hamyurtimiz -63 kg vazn toifasida bahs olib bordi. U final jangida Chung Xan-Je (Koreya) ustidan g‘alaba qozondi. Bu o‘zbekistonlik yunon-rum sportchilari uchun so‘nggi 24 yil ichida jahon chempionatida qo‘lga kiritilgan ilk oltin medal bo‘ldi. Shu tariqa, O‘zbekiston terma jamoasi ushbu startda 1 ta oltin, 1 ta kumush va 3 ta bronza medalini qo‘lga kiritdi.

• oltin: -63 kg: Aytjan Xalmaxanov (yunon-rum kurashi);
• kumush: -60 kg: Alisher G‘aniyev (yunon-rum kurashi);
• bronza: -57 kg: G‘ulomjon Abdullayev (erkin kurash), -65 kg: Umidjon Jalolov (erkin kurash), -72 kg: Abdullo Aliyev (yunon-rum kurashi).