O‘zbekistonda muddatli to‘lov qoidalari qat’iylashtirildi
Yangi mijozlarga ikki million so‘m miqdorida limit ajratish taklif etilmoqda.
Markaziy bank muddatli to‘lovlarni berish qoidalarini kuchaytirishni taklif qildi, bu muddatli to‘lov bozori ishtirokchilarining axloq kodeksi loyihasidan kelib chiqadi.
Qarz yukining oshishiga yo‘l qo‘ymaslik uchun faqat 18 yoshdan oshgan fuqarolarga bo‘lib-bo‘lib to‘lash imkoniyatini berish taklif qilinmoqda. Yangi mijozlarni ro‘yxatdan o‘tkazishda asosiy ma’lumotlarni to‘plash kerak: FIO, tug‘ilgan sanasi, JSHSHIR, telefon raqami, yashash manzili va fuqaroligi.
Ro‘yxatdan o‘tgandan so‘ng mijozga 2 mln so‘mlik boshlang‘ich muddatli to‘lov limiti taqdim etiladi. Uni oshirish uchun qarz yuki ko‘rsatkichi (QYUK) hisoblanadi, u 50 foizdan oshmasligi kerak. Qarz oluvchilar rasmiy daromadning yarmidan ko‘p bo‘lmagan qismini bo‘lib-bo‘lib to‘lashga yo‘naltirishlari mumkin bo‘ladi.
Agar mijoz to‘lovlarni yoki jarimalarni kechiktirgan bo‘lsa, ularga qo‘shimcha sanksiyalar qo‘llanilmaydi. Shunday qilib, kechiktirish fakti uchun jarima yoki penya faqat bir marta hisoblanadi.
Ilgari olingan qarzlar bo‘yicha muddati o‘tgan qarzdorlik mavjud bo‘lsa, mijozga yangi bo‘lib-bo‘lib to‘lash imkoniyatini berish rad etiladi. Bunda asosiy qarzdan tashqari barcha to‘lovlar summasi (foizlar, vositachilik haqi, neustoyka va boshqa choralar) yiliga qarz summasining yarmidan ko‘pini tashkil etishi mumkin emas. Natijada bo‘lib-bo‘lib to‘lash bo‘yicha ortiqcha to‘lovning maksimal miqdori 50 foizni tashkil etadi. Bundan tashqari, mijozlar jarima va penyalarni to‘lamasdan qarzni muddatidan oldin to‘lashlari mumkin bo‘ladi.
Izohlar