2026-yildan boshlab O‘zbekistonda marketpleyslar sotuvchilari uchun soliqlar oshiriladi

O‘zbekistonda 2026-yildan boshlab marketpleyslar sotuvchilari va gips qazib oluvchilar uchun soliqlar oshiriladi, qishloq xo‘jaligi sohasi uchun esa bir qator imtiyozlar joriy etiladi, deyiladi Iqtisodiyot va moliya vazirligining 2026-2028-yillarga mo‘ljallangan byudjetnomasida.

Ma’lumotlarga ko‘ra, yangi choralar 1-yanvardan kuchga kiradi. Xususan, hukumat elektron tijorat bilan shug‘ullanuvchi subyektlar uchun foyda solig‘i stavkasini 10 foizdan 15 foizga oshirishni rejalashtirmoqda. Shu bilan birga, bu yil davomida soliqlarning ikkinchi oshirilishi bo‘ladi, chunki 2025-yil yanvar oyida stavka allaqachon 7,5 foizdan 10 foizga oshirilgan edi.

Bundan tashqari, marketpleyslar sotuvchilari uchun aylanmadan olinadigan soliq stavkasi ham oshadi: amaldagi 3%dan 4%gacha ko‘tariladi. O‘z ehtiyojlari uchun gips xomashyosini qazib oluvchi yoki undan qurilish materiallari ishlab chiqaruvchi korxonalar uchun 2026-yildan boshlab yer qa’ridan foydalanganlik uchun soliq stavkasi ham oshiriladi. U 50 foizni tashkil etadi.

Shu bilan birga, hukumat qishloq xo‘jaligi ishlab chiqaruvchilari uchun ular tomonidan yetishtirilgan qishloq xo‘jaligi mahsulotlarini sotishda QQSning nol stavkasini joriy etishni rejalashtirmoqda. Issiqxona xo‘jaliklari uchun ham qator imtiyozlar joriy etilishi rejalashtirilgan. Shunday qilib, ular 2029-yil 1-yanvargacha, agar ularning faoliyatidan olingan daromadlar umumiy yillik daromadning kamida 60%ini tashkil etsa, 1% ijtimoiy soliq to‘lashlari mumkin.

Shuningdek, ular uchun 2026-yildan boshlab qishloq xo‘jaligiga mo‘ljallangan yerlar uchun belgilangan stavkalar bo‘yicha yer solig‘ini hisoblash yerlarning toifasidan qat’i nazar amalga oshiriladi.

Avvalroq O‘zbekistonda bazaviy soliq stavkalari o‘zgarishsiz qolishi haqida xabar berilgandi. Moliya vazirligi 2026–2028-yillarga mo‘ljallangan byudjetnoma loyihasini taqdim etdi.