Ўзбекистонда 6 йилда мева-сабзавотлар экспорти қанча ошгани маълум қилинди
«Ўзбекистон–2030» стратегияси доирасида пахта ҳосилдорлигини гектарига 45-50 центнерга, ғалла ҳосилдорлигини 80-85 центнерга етказиш вазифаси қўйилган.
Макроиқтисодий ва ҳудудий тадқиқотлар институти мутахассислари 2017-2023 йилларда Ўзбекистонда қишлоқ хўжалигини янада ривожлантиришга қаратилган чора-тадбирларни таҳлил қилди.
Пахта ҳосилдорлиги 2017 йилдаги 23,8 центнердан (гектарига), 2023 йилда 36 центнерга, ёки 1,5 бараварга, буғдой ҳосилдорлиги 42,2 центнердан 47,8 центнерга ёки 13,3 фоизга ошди.
Қишлоқ хўжалиги ялпи маҳсулотида қишлоқ хўжалиги фаолиятини амалга оширувчи ташкилотларнинг улуши босқичма-босқич ошиб бормоқда. Агар 2017 йилда уларнинг улуши атиги 2,3 фоизни ташкил этган бўлса, 2023 йил охирига келиб бу кўрсаткич 7,1 фоизга етди.
Савдони эркинлаштириш ва экспортни рағбатлантириш билан боғлиқ қонунчиликдаги ўзгартиришлар 2017—2023 йилларда мева-сабзавотлар экспортини 1,8 баробарга, яъни 645,6 миллион АҚШ долларидан 1 180,8 миллион АҚШ долларигача ошириш имконини берди.
Мавзуга оид хабарлар:
Айрим маҳсулотлар экспортида минимал экспорт нархлари жорий этилади Ўзбекистон 775 млн долларлик тўқимачилик маҳсулотларини экспорт қилди Ўзбекистон 3 ойда мева-сабзавот маҳсулотларини асосан Покистон ва Россияга сотди Ўзбекистон март ойида 1,35 млрд долларлик олтин экспорт қилди Қишлоқ хўжалиги маҳсулотларини экспорт қилиш бўйича республика комиссияси тузилди