Ўзбекистон таэквондо терма жамоаси Олимпиадада илк бор 5 спортчи билан қатнашади

Бу ХОҚнинг нейтрал мақомдаги россиялик спортчилар рўйхатида таэквондочилар қайд этилмагани билан боғлиқ. Шу вақтгача Ўзбекистонда 4 дан ортиқ йўлланма бўлмаган.

Таэквондо WТ бўйича Ўзбекистон терма жамоаси Олимпиада ўйинларида илк маротаба беш нафар спортчи билан қатнашади. Бу ҳақда Таэквондо ассоциацияси матбуот хизмати хабар бермоқда.

Гап шундаки, Бутунжаҳон таэквондо федерацияси (WТF) Париж-2024 ёзги Олимпия ўйинлари учун йўлланмалар тақсимотини қайта шакллантирди. Париждаги ўйинларда иштирок этадиган Халқаро Олимпия қўмитасининг нейтрал мақомдаги россиялик спортчилар рўйхатида таэквондочилар қайд этилмади. Бунда Уси Катта дубулға турнирида лицензияларни қўлга киритган россиялик спортчиларнинг ўрнига Олимпия рейтингида энг яхши ўринларни қайд этган спортчиларга квота тақсимлаб берилди.

Бу ҳолатда +80 кг вазн тоифасидаги рейтингда олтинчи ўринни қайд этган Токио-2020 Олимпиадаси иштирокчиси Никита Рафалович ҳам йўлланмага эга чиқди. Шу тариқа, таэквондо WТ бўйича Ўзбекистон терма жамоаси бўлажак Олимпия ўйинларида ўз тарихида илк бор 3 нафар эркак ва 2 нафар аёл спортчи билан қатнашадиган бўлди (шу вақтгача 4 дан ортиқ йўлланма бўлмаган).

2024 йилги ўйин иштирокчилари:

1. Улуғбек Рашитов (68 кг)
2. Жасурбек Жайсунов (80 кг)
3. Никита Рафалович (+80 кг)
4. Озода Собиржонова (67 кг)
5. Светлана Осипова (+67 кг).

Бундан ташқари, ўзбекистонлик таэквондочилар дунёнинг энг кучли учта термаси қаторида Олимпия ўйинлари тарихида илк бор ташкил этилаётган кўргазмали микст дастурида ҳам иштирок этади.

NOVA24 TikTokʼda. Obuna boʻling
Asosiy yangiliklar va qiziqarli videolar