Ўзбекистон мева-сабзавот маҳсулотларининг асосий экспорт бозорлари маълум қилинди

2024 йилнинг январь-апрель ойларида хорижга қиймати 298,5 млн долларга тенг бўлган 514,8 минг тонна мева ва сабзавотлар экспорт қилинди.

Статистика агентлиги хабарига кўра, ушбу кўрсаткич 2023 йилнинг мос даври билан солиштирилганда 43,3 фоизга ёки 155,6 минг тоннага кўпайган.

Мева-сабзавот маҳсулотларининг асосий экспорт бозорлари Россия (26,3 фоиз), Покистон (24,2 фоиз), Қозоғистон (13 фоиз) ва Хитой (9,3 фоиз) давлатлари ҳиссасига тўғри келган.

2024 йилнинг январь-апрель ойларида мева-сабзавотлар экспорти улуши жами экспортнинг 3,5 фоизини ташкил этган.

NOVA24 YouTubeʼda. Obuna boʻling
Asosiy yangiliklar va qiziqarli videolar