Xorazmdagi banklardan birida yong‘in yuz berdi

Urganch shahridagi banklardan birining tom qismida ying‘in chiqdi.

Xorazm viloyati Urganch shahridagi banklarning birida yong‘in chiqdi. Bu haqda viloyat FVB xabar berdi.

Keltirilishicha, 25-sentyabr kuni soat 11:05 da Urganch shahar, “Navbahor” MFY, Tinchlik ko‘chasida joylashgan banklarning biri binosining ijaraga berilgan yuqori qismida yong‘in sodir bo‘lgani to‘g‘risida FVBga xabar tushgan.

Yong‘in-qutqaruvchilar soat 11:10 da hodisa joyiga yetib borib, soat 11:30 da yong‘in o‘rab olingan va soat 12:22 da o‘chirilgan. Hodisa natijasida bino tom qismining taxminan 30 kv/m maydoni yonib zararlangan.

Yong‘inni bartaraf etishga 4 ta yong‘in-qutqaruv ekipaji va 1 ta avtonarvon jalb etilgan. Tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar