Xorazmda erkak o‘g‘lini otib o‘ldirib, kelini va nevarasini og‘ir jarohatladi

Yangiariq tumanida 71 yoshli erkak 51 yoshli o‘g‘lini otib o‘ldirgan. Shundan so‘ng kelini va nevarasini ham og‘ir jarohatlagan.

Xorazm viloyati Yangiariq tumanida ota o‘z o‘g‘lini ov miltig‘i bilan otib o‘ldirdi. Bu haqda O‘zA xabar berdi.

Ma’lum qilinishicha, tumanning Yangiariq mahallasida yashagan 71 yoshli erkak 51 yoshli o‘g‘lini otib o‘ldirgan. Shundan so‘ng kelini va nevarasini ham og‘ir jarohatlagan.

Ushbu jinoyat tergov-tezkor guruhi tomonidan fosh etilib, gumonlanuvchi ehtiyot chorasi sifatida qamoqqa olingan. Ayni vaqtda dastlabki tergov harakatlari olib borilmoqda.

Xorazm viloyati hokimi Jo‘rabek Rahimov, huquqni muhofaza qiluvchi organlar va keng jamoatchilik vakillari, mahalla aholisi ishtirokida o‘tkazilgan yi mazkur jinoyatning kelib chiqish sabablari va oqibatlari muhokama etildi.

Viloyat hokimi ushbu jinoyatning kelib chiqishiga sabab bo‘lgan omillar dastlabki tergov va sud organlari tomonidan batafsil o‘rganilishi, jinoyatlarning oldini olishga mas’ul bo‘lgan shaxslar hamda qotillik sodir etilgan mahalla yettiligi faoliyatiga ham tanqidiy nuqtai nazardan baho berilishini aytib o‘tdi.

NOVA24 Telegramʼda. Obuna boʻling
Tezkor xabarlar va asosiy voqealar