Uzbekistan Airways Yaqin Sharqdagi notinch vaziyat sabab “xavfsizlikni taʼminlash maqsadida” parvozlarni Iroq va Eron havo hududlarini aylanib oʻtgan holda amalga oshiradi. Bu haqda kompaniya matbuot xizmati xabar berdi.

Taʼkidlanishicha, Uzbekistan Airways parvozlarning maksimal xavfsizligini taʼminlash uchun muqobil yoʻnalishlardan foydalangan holda — Toshkent — Tel-Aviv — Samarqand/Toshkent yoʻnalishi boʻyicha muntazam aviaqatnovlarni amalga oshirishni davom ettiradi.

Aytish joiz, Yaqin Sharqda vaziyatning keskinlashishi va Eron ustidagi havo hududi yopilgani sababli Flynas va Qeshm Air aviakompaniyalari Oʻzbekistonga parvozlarni vaqtincha toʻxtatganini maʼlum qildi.