Oʻzbekistonda Road24 ilovasi ishlamay qoldi

YHXX endi jarimalarni qaysi ilova orqali bilish mumkinligini maʼlum qildi.

Oʻzbekistonda Road24 ilovasini qoʻllab-quvvatlash toʻxtatildi, deb xabar bermoqda DYHXX matbuot xizmati.

Maʼlumotlarga koʻra, idora Road24 ilovasi bilan yoʻl harakati qoidabuzarliklari toʻgʻrisidagi maʼlumotlarni almashishni va u orqali haydovchilarga qoidabuzarliklar toʻgʻrisidagi maʼlumotlarni yuborishni toʻxtatgan.

Endi jarimalar haqidagi maʼlumotlarni kuzatib borish uchun haydovchilar YHXXning rasmiy ilovasi — Safe Road YHXXni yuklab olishlari kerak boʻladi. Uni Android va iOS foydalanuvchilari App Store yoki Play Market orqali yuklab olishlari mumkin.

Oʻzgarish sabablari haqida maʼlumot berilmagan. Shu bilan birga, baʼzi foydalanuvchilar yangi ilovaga kirishda muammolarga duch kelishlarini taʼkidlamoqdalar.

NOVA24 YouTubeʼda. Obuna boʻling
Asosiy yangiliklar va qiziqarli videolar