Toshkentning bir tumanidagi o‘nlab ko‘p qavatli uylar avariya tufayli gazsiz qoldi
O‘rtacha bosimli yer osti gaz quvurida sizib chiqish aniqlandi.
24-sentyabr kuni Toshkentning Yashnobod tumanida yuz bergan avariya tufayli o‘nlab xonadonlar gazsiz qoldi, deb xabar bermoqda “Hududgazta’minot” matbuot xizmati.
Ma’lum qilinishicha, Maxtumquli ko‘chasidagi o‘rta bosimli yer osti gaz quvurida sizib chiqish aniqlangan. Uning bartaraf etilishi munosabati bilan gaz ta’minoti vaqtincha to‘xtatildi. Hududdagi 25 ta ko‘p qavatli uy va 20 ta ulgurji iste’molchi gazsiz qoldi.
Ayni paytda tuman gaz idorasining avariya brigadasi tomonidan ta’mirlash ishlari olib borilmoqda. Ular yakunlangach, gaz ta’minoti qayta tiklanadi, — deyiladi xabarda.
Eslatib o‘tamiz, issiqxonalar qishda kafolatlangan gaz hajmini olishi mumkin. Buning uchun xo‘jaliklar xorijga mahsulot eksport qilish majburiyatini olishi kerak bo‘ladi.
Izohlar