Тошкентга тўрт вагонли яна 2 та метро поезди келтирилди

Улар 8−10 кун синовдан ўтказилгач йўналишларга чиқарилади. Май ойида яна шундай 3 та метро поезди олиб келиш режа қилинган.

8 апрель куни Тошкент шаҳрига янги тўрт вагонли 2 та замонавий метро поезди олиб келинди, дея хабар бермоқда метрополитен матбуот хизмати.

Поездлар йўналишлардаги вақт интервалларини янада қисқартириш мақсадида келтирилган. Улар белгиланган йўриқномага асосан 8−10 кун давомида техник синовдан ўтказилиб, сўнгра йўналишларга чиқарилади.

Май ойида эса яна 3 таси етказилиши режа қилинган. Эслатиб ўтамиз, февраль ойи охирида ҳам худди шундай поездлардан учтаси олиб келинганди. Компания уларни «Юнусобод» ва «Ерусти ҳалқа йўли» йўналишларида ҳаракатга чиқарилишини маълум қилганди.

NOVA24 Instagramʼda. Obuna boʻling
Asosiy yangiliklar va qiziqarli videolar