Toshkentdagi maktab o‘quvchilarini sun’iy intellekt kuzata boshlaydi
Kameralar psixologik holatni ham kuzatib boradi.
Toshkent shahar hokimi Shavkat Umurzoqov umumta’lim maktablarida ta’lim sifatini yanada oshirish va o‘quvchilar davomatini tartibga solish chora-tadbirlari to‘g‘risidagi qarorni imzoladi.
Hujjat prezident topshiriqlari va poytaxt hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosarining murojaatiga asoslangan.
Poytaxt maktablarini “aqlli” (Smart School) qilish taklif etildi, loyiha doirasida maktab xonalariga elektron tizimga ulangan kameralar o‘rnatiladi, bu esa ta’lim sifati va o‘quvchilarning davomatini doimiy nazorat qiladi.
Bundan tashqari, kameralar sun’iy intellekt yordamida o‘quvchilarning psixologik holatini qayd etadi, shuningdek, maktab o‘quvchilarining fanlarga qiziqishi va o‘qituvchilarning pedagogik salohiyatini baholaydi. Kameralarning ishlash mexanizmi hokim qarorida ko‘rsatilmagan.
Birinchi bosqichda dasturni yuqori 10 va 11-sinflarda amalga oshirishga harakat qilinadi, dastlab Olmazor tumanidagi 31-maktabda 250 sinfga mo‘ljallangan tajriba loyihasi o‘tkaziladi.
Izohlar