Toshkentda yuqori tezlikdagi Spark ikkita mashina bilan toʻqnashdi

Sergeli tumanida yuqori tezlikdagi Spark beton toʻsiq ustidan uchib oʻtib, qarama-qarshi yoʻldagi Honda va Spark bilan toʻqnashdi. Oqibatda 3 kishi jarohatlandi.

Toshkent shahri Sergeli tumanida 3 ta avtomashina ishtirokida yoʻl-transport hodisasi sodir boʻldi. Holat 9-iyul kuni tumanning Qipchoq koʻchasida sodir boʻlgan.

Tarmoqlarda tarqalgan videolarda yuqori tezlikdagi Spark yoʻlni oʻrta qismidan ajratib turuvchi kichik beton toʻsiq ustidan qarama-qarshi yoʻnalishga uchib chiqib ketgan.

Soʻngra kelayotgan Honda bilan toʻqnashgan va boshqa bir Sparkʻga ham urilgan. YTH oqibatida 3 nafar fuqaroga tez tibbiy yordam xodimlari tomonidan birinchi yordam koʻrsatilgan.

NOVA24 Instagramʼda. Obuna boʻling
Asosiy yangiliklar va qiziqarli videolar