Toshkentda yana ikkita ko‘cha va sohilbo‘yi 24 soatlik turistik zonalarga aylantiriladi
Hukumat loyihalarni amalga oshirish uchun respublika byudjetidan 20 milliard so‘mdan ortiq mablag‘ ajratishni rejalashtirmoqda.
Toshkentning yana uchta lokatsiyasini rivojlangan infratuzilmaga ega 24 soatlik turistik zonalarga aylantirish rejalashtirilmoqda, deb xabar berdi poytaxt hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Baxtiyor Haydarov.
Ma’lumotlarga ko‘ra, Yangi Sergeli, Qatortol ko‘chalari, shuningdek, Bo‘zsuv kanali qirg‘og‘i yangilanadi. Xalq deputatlari kengashining navbatdagi yig‘ilishida shahar hokimligi vakili Sergeli tumani Yangi Sergeli ko‘chasidagi 3,5 km maydonni kecha-yu kunduz sayr qilish hududiga aylantirish rejalashtirilayotgani haqida gapirdi.
Tashabbusni amalga oshirish uchun hukumat respublika budjetidan 8,7 mlrd so‘m ajratishni rejalashtirmoqda. Shuningdek, Chilonzor tumanidagi Qatortol ko‘chasining bir qismini ham qayta qurishmoqchi, buning uchun 10,2 mlrd so‘m ajratiladi. Bo‘zsuv kanali bo‘yida “Minor”, “Matonat” va “Qashqar” mahallalari hududidan o‘tadigan sayilgoh tashkil etish ham rejalashtirilgan.
Avvalroq O‘zbekistonda yuzlab “kecha-kunduz ishlaydigan” ko‘chalar paydo bo‘lishi mumkinligi haqida xabar berilgandi. Hokimliklarda “tungi iqtisodiyot menejerlari” lavozimini joriy etish taklif qilindi.
Izohlar