Toshkentda tez yordam mashinasi nosoz holda harakatlandi
Holat yuzasidan Sogʻliqni saqlash vazirligi munosabat bildirdi.
Ijtimoiy tarmoqlarda tez tibbiy yordam avtomashinasi nosoz holda harakatlanib ketayotgani aks etgan videolavha tarqaldi. Sogʻliqni saqlash vazirligi mazkur holat yuzasidan munosabat bildirdi.
Aniqlanishicha, joriy yilning 23-sentyabr kuni ertalab soat 05:21 da poytaxtning Doʻmbirobod va Farhod koʻchalari chorrahasida harakatlanib ketayotgan Yangihayot tumanidagi 13-sonli podstansiyaga tegishli Ford rusumli tez tibbiy yordam mashinasining amortizatsiya tizimida nosozlik yuzaga kelgan.
Bu paytda avtomashina tezligi soatiga 40 km. atrofida boʻlib, uning ichida faqatgina haydovchi boʻlgan. Shundan soʻng avtoulov darhol Respublika tez tibbiy yordam markazi Toshkent shahar filiali avtokorxonasiga olib kelinib, nosozlik toʻliq bartaraf etilgan, deyiladi munosabatda.
Qoʻshimcha qilinishicha, hozirda ushbu avtomashina soz holatda faoliyat koʻrsatmoqda.
Мавзуга оид хабарлар:
Toshkentda 19 yoshli qizni urib yuborgan haydovchi qamoqqa olindi O‘zbekistonda AI-80 benzinidan to‘liq voz kechish 2028 yilga qoldirildi Toshkentda iste’molga yaroqsiz sariyog‘ni sotmoqchi bo‘lganlar aniqlandi Toshkent va Sirdaryoda “valyutchik”lar ushlandi Ikki viloyatda energiya resurslaridan noqonuniy foydalanganlar 250 mln so‘mdan ziyod zarar yetkazdi