Тошкентда гувоҳномасиз ҳайдовчи машинада 49 ёшли фуқарони уриб кетди

49 ёшли фуқаро олинган тан жароҳатлар оқибатида вафот этган. ЙҲХБ унинг яқинларига ҳамдардлик билдирди.

Тошкент шаҳри Юнусобод туманида 12 апрель куни Nexia-3 машинаси 49 ёшли фуқарони уриб кетди. ЙҲХБ воқеа тафсилотларини очиқлади.

Маълум бўлишича, Юнусота кўчасида (ҳайдовчилик гувоҳномасига эга бўлмаган) 2005 йилда туғилган К.Ш. автомашинани бошқариб кетаётиб, пиёда 1975 йилда туғилган А.Р.ни уриб юборган.

ЙТҲ оқибатида пиёда олган тан жароҳатлари сабабли воқеа жойида вафот этган, унинг яқинларига ҳамдардлик билдирилди. Мазкур ҳолат юзасидан Жиноят кодексининг 266-моддаси 2-қисми билан жиноят иши қўзғатилган. Тергов давом этмоқда.

NOVA24 TikTokʼda. Obuna boʻling
Asosiy yangiliklar va qiziqarli videolar