18 Iyun 2024, 09:23 Oʻzbekiston

Тошкентда электробус ва 2 та енгил машина ҳайдовчилари жанжаллашди

Пойтахт ИИББ жанжал автобус бекатда тўхтаган вақтида ортидан 2 та енгил автомашина тўқнашгани сабабли келиб чиққани, терговга қадар текширув кетаётганини билдирди.

Тошкентда электробус ва 2 та енгил машина ҳайдовчилари жанжаллашди

Тармоқларда Тошкент шаҳри Бектемир туманида электробус ҳайдовчиси ва бир неча кишилар жанжаллашаётгани акс этган видео тарқалди. Ҳолат юзасидан пойтахт ИИББ ахборот хизмати муносабат билдирди.

Аниқланишича, ҳолат 16 июнь куни соат 15:30 да Ҳусайн Бойқаро шоҳкўчасида содир бўлган. Электробус ҳайдовчиси — 35 ёшли Ш. Ш. ва Nexia 2 ҳайдовчиси — 52 ёшли Р.И., «ЗАЗ-1102» ҳайдовчиси Ф.З. ўртасида жанжал юз берган.

Видеоларда автобус ҳайдовчисини бир неча киши калтаклаётганини кўриш мумкин. Бирламчи маълумотга кўра, жанжал автобус бекатда тўхтаган вақтида ортидан юқорида қайд этилган 2 та енгил автомашина тўқнашгани сабабли келиб чиққан. Ҳолат юзасидан туман ИИО ФМБ томонидан терговга қадар текширув ўтказилмоқда.

Mashhur yangiliklar