Toshkent xalqaro aeroporti qayerda qurilishi mumkinligi ma’lum bo‘ldi
Toshkent viloyati hokimi ushbu loyihani amalga oshirish uchun qanday infratuzilma barpo etish rejalashtirilayotganini ham aytib o‘tdi.
Toshkent viloyati hokimi Zoyir Mirzayev yangi aeroportni qayerda qurish rejalashtirilayotgani va buning uchun qanday infratuzilma yaratmoqchi ekanliklari haqida gapirdi.
Toshkent viloyatida yangi xalqaro aeroport qurishga qaror qilindi, chunki mavjud havo porti zarur o‘tkazuvchanlik qobiliyatiga ega emas va shahar hududida joylashganligi sababli kengaytirilmaydi. Rasmiylar ushbu loyihani amalga oshirish bo‘yicha takliflar ko‘rib chiqilayotganini ta’kidladi.
Zoyir Mirzayevning ma’lum qilishicha, yangi xalqaro aeroport viloyatning O‘rta Chirchiq tumanida qurilishi mumkin. Amaldorning ta’kidlashicha, hozirda Bekobod, Bekobod, Bo‘ka, Piskent tumanlari va Nurafshondan Toshkentgacha bo‘lgan temir yo‘l qurilishi loyihasi ko‘rib chiqilmoqda.
Ushbu magistral qurilishi 2026-yilda boshlanishi rejalashtirilgan. Bundan tashqari, Toshkent viloyati hokimi bo‘lajak aeroportning maydoni 1200 gektar bo‘lishini aytdi. Avvalroq transport vaziri Ilhom Mahkamov yangi havo porti birinchi bosqichda yiliga 20 milliongacha yo‘lovchiga xizmat ko‘rsatishi, bir vaqtning o‘zida 169 ta samolyotni qabul qilishi va joylashtirishi, shuningdek, soatiga kamida 40 ta uchish va qo‘nishni ta’minlashi mumkinligini ta’kidlagan edi. Teletraplar soni 14 tani tashkil etadi, istiqbolda 45 tagacha yetadi.
Izohlar